Handknattleiksakademía Íslands stendur fyrir námskeiði fyrir stelpur og stráka á aldrinum 11-16 ára þar sem boðið er upp á fyrsta flokks afreksþjálfun í handknattleik. Markmið akademíunnar er að bæta tækni og leikskilning sérhvers einstaklings auk þess að kynna leikmönnum fyrir afreksmannaþjálfun og afreksmannaæfingaumhverfi.

lenovo-logo-467 2

Vornámskeið

Þá er komið að vornámskeiðinu okkar! Við verðum með afreksnámskeið dagana 25.-29. maí. Námskeiðið er í boði fyrir bæði stelpur og stráka sem fædd eru á árunum 2002-2004. 

Þjálfarateymið er stórglæsilegt líkt og áður en Ágúst og Rakel eru á sínum stað. Ágúst er eins og flestir vita þjálfari íslenska kvennalandsliðsins og Rakel er fyrrum fyrirliði landsliðsins. Einar Jónsson er aðstoðaþjálfari kvennalandsliðsins og verður hann meðal þjálfara á námskeiðinu. Alfreð Finnsson er þjálfari mfl kvk hjá Val og fyrrum þjálfari norska stórliðsins Storhamar. Við fáum Hlyn Morthens með okkur í lið og mun hann sjá um markmannsþjálfun á námskeiðinu. 

Æfingarnar fara fram í TM-höllinni í Garðabæ og verður æft í báðum sölunum í einu, stelpurnar öðrum megin og strákarnir hinum megin. Þetta er frábært tækifæri til að enda gott handboltaár á góðum aukaæfingum áður en sumarfríið hefst. 

Skráning er hafin! Líkt og áður eru takmörkuð pláss í boði til að halda gæðunum í hámarki á námskeiðinu. 

Vornamskeið_mai_16_stelpur_og_strakar.jpg

EM-Skóli Handknattleiksakademíu Íslands og Lenovo

Gleðilegt nýtt ár! Við ætlum að byrja árið með EM-skóla fyrir bæði stelpur og stráka á aldrinum 12-14 ára (2002-2004)

Hóparnir æfa í sitthvoru lagi en á sama tíma í TM höllinni í Garðabæ. Þjálfararnir eru allir fyrsta flokks þjálfarar með gríðarlega reynslu bæði hérlendis sem og í alþjóðaboltanum. Ágúst Jóhannsson og Rakel Dögg Bragadóttir eru sem fyrr á staðnum og þeim til halds og traust eru Einar Jónsson, aðstoðarþjálfari íslenska kvennalandsliðsins og þjálfair mfl kk hjá Stjörnunni, og Alfreð Finnson, fyrrum þjálfari stórliðs Storhamar í norsku úrvalsdeildinni og þjálfari mfl kvk hjá Val. Roland Valur Eradze verður markmannsþjálfari og mun sjá til þess að allir markmenn fái nóg fyrir sinn snúð. 

Allir þátttakendur fá ýmislegt fyrir þáttöku sína á þessu námskeiði en þar ber þó auðvitað hæst að nefna 6 fyrsta flokks æfingar sem verða byggðar upp eins og hér segir:

Þriðjudagur 19.janúar kl.06.30-07.40 - Tækni, fintur og skot

Fimmtudagur 21.janúar kl.06.30-07.40 - Tækni, fintur og skot

Laugardagur 23.janúar kl.? - Yfirtöluspil og hraðaupphlaup

Laugardagur 23.janúar kl.? - Mjúkbolta (softball) EM

Sunnudagur 24.janúar kl.? - Yfirtöluspil og hraðaupphlaup

Sunnudagur 24.janúar kl.? - EM MÓT

Tímasetningar fyrir helgaræfingarnar eru því miður ekki orðnar staðfestar en allir þátttakendur fá sent æfingaplan 5 dögum áður en námskeiðið hefst. 

Þátttakendur fá einnig hressingu eftir hverja æfingu sem og EM-bol merktri einni stórþjóð af EM. Þátttakendur fá HAÍ-Lenovo handbolta og að lokum fá allir eitt skipti í keilu frítt sem hægt er að nýta hvenær sem er.

Skráning er hafin og munið að þátttaka er takmörkuð við 22 einstaklinga í sitthvort hópinn. Það er gert til að allir þátttakendur fái sem mest út úr námskeiðinu. 

                        Bolir HAI-EM skoli januar 2016                                          Lenovo-HAI boltar

Nóvember námskeið

Þá er komið að næsta námskeiði fyrir stelpur á aldrinum 11-13 (fæddar 2002-2004). Námskeiðið fer fram í Víkinni dagana 23.-30. nóv og verður æft þrjá virka morgna kl 6.30-7.40 ásamt tveimur æfingum á laugardegi og einni á sunnudegi. Allir þátttakendur fá létta hressingu eftir æfingu svo þeir mæti hressir og kátir í skólann á réttum tíma. Ágúst Jóhannsson, landsliðsþjálfari, og Rakel Dögg Bragadóttir, fyrrum landsliðsfyrirliði verða á sínum stað að venju og hafa fengið enn einn snillinginn sér til aðstoðar, Alfreð Finnsson. Alfreð er þjálfari mfl kvk hjá Val og var áður hjá stórliðinu Storhamar sem spilar í norsku úrvalsdeildinni. Liðið hefur meðal annars nokkrar norskar landsliðskonur en eins og allir vita er norksa liðið eitt það fremsta í heimi. Það er því mikill fengur fyrir Handknattleiksakademíuna að fá Alfreð til aðstoðar. Karl Erlingsson, unglingaþjálfari, verður einnig á sínum stað, Ágústi og Rakel til aðstoðar. Skráningin er hafin hér á síðunni. Takmarkaður fjöldi plássa, athugið að færri pláss verða í boði á þessu námskeiði en áður.

Afreksnamskeið_november_2015.jpg

Afreksnámskeið í ágúst

Nú er tímabilið að fara að hefjast og tilvalið að fara að reima á sig handboltaskóna aftur. Handknattleiksakademía Íslands og Lenovo ætla að bjóða upp á afreksnámskeið dagana 17.-21. ágúst.

Ágúst Jóhannsson, landsliðsþjálfari, verður á sínum stað og honum til aðstoðar verður Alfreð Finnsson, þjálfari mfl kvk hjá Val. Hann var áður að þjálfa hjá norska úrvalsdeildarliðinu Storhamar við góðan orðstír.

Aðeins 18 pláss eru í boði. Skráning er hafin!

 

Afreksnamskeið_agust_2015.jpg

Afreksmannabúðir HAÍ og Lenovo

Handknattleiksakademía Íslands og Lenovo ætla að standa fyrir afreksnámskeiði í sumar fyrir metnaðarfulla unglinga sem fæddir eru 1999-2001. 

Ágúst Jóhannsson, landsliðsþjálfari, Einar Jónsson, aðstoðarlandsliðsþjálfari og Rakel Dögg Bragadóttir fyrrum atvinnumaður og landsliðsfyrirliði munu sjá um þjálfunina á násmkeiðinu. 

Lögð verður áhersla á að bæta skilning, auka getu maður á mann og bæta skottækni. 

Æft verður í Víkingsheimilinu. Stelpur æfa frá kl 10.00-11.15 og strákar æfa frá 11.30-12.45. 

Landsliðsmenn og konur mæta á æfingu og gefa góð ráð. 

Verð 15.900 kr. Skráning er hafin.